“Kiçik Əmrah” kimi yadda qalan, musiqi karyerası ilə yanaşı aktyorluq və iş dünyasında da ad çıxaran Əmrah var-dövləti ilə gündəmdədir. Son zamanlar Dubayda ev alacağı ilə bağlı xəbərlər yayılan məşhur müğənninin İstanbul və Bodrumda 300-dən çox daşınmaz əmlaka sahib olduğu iddia edilib.
Hafta.az-ın yazdığına görə, Əmrahın daşınmaz əmlakından aylıq kirayə gəliri 10 milyon lirəyə çatır. Bu rəqəm jurnal dünyasında və sosial mediada böyük əks-səda doğurub. Yadınızdadırsa, Əmrah 2022-ci ildə məhkəməyə təqdim etdiyi gəlir bəyannaməsində aylıq gəlirinin 400 min lirə olduğunu açıqlamışdı.
“Axşam” qəzetinin məlumatına görə, Əmrah 300 mənzildən ibarət portfelini satmağı və daha böyük layihələrə sərmayə qoymağı planlaşdırır. “Apar məni hara getsən”, “Unutabilsem”, “Ağla Gözbebeğim” kimi unudulmaz mahnılar yazan Əmrah musiqi karyerası ilə yanaşı, daşınmaz əmlak investisiyaları ilə də adından söz etdirib.
