Fələstin rəhbərliyi Fələstin xalqını Qəzza zolağından köçürməyə yönəlmiş hər hansı plan və ya layihələri qəti şəkildə rədd edir. Bu barədə Fələstin prezident administrasiyasının kommünikesində deyilir.
Fələstinin Rəyasət Heyəti Fələstin xalqının Qəzza zolağından köçürülməsinə yönəlmiş hər hansı plan və ya layihələri qəti şəkildə rədd edir və pisləyir.
"Fələstin xalqının heç vaxt öz torpaqlarını və müqəddəs yerlərini tərk etməyəcəyini vurğulayırıq və 1948 və 1967-ci illərdəki fəlakətin (Ən-Nəkbə) təkrarlanmasına imkan verməyəcəyik. Xalqımız öz vətənlərini tərk etməyəcək", - sənəddə vurğulanır.
“Ən-Nəkbə” fələstinlilərin 14 may 1948-ci ildə İsrail Dövlətinin elan edilməsindən sonra baş verən və fələstinlilərin öz torpaqlarından kütləvi şəkildə qaçmasına səbəb olan hadisələrə verdiyi addır. Bundan əlavə, 1967-ci ildəki Altı Günlük Müharibədən sonra İsrail Şərqi Qüdsü, İordan çayının qərb sahilini və Qəzza zolağını işğal etdi.
Oxuməni.az
