Hindistan Hərbi Hava Qüvvələri (HHQ) və Hərbi Dəniz Qüvvələri (HDQ) İsrailin “Israel Aerospace Industries” şirkəti tərəfindən istehsal edilən “Rampage” raketlərini silahlanmalarına daxil edib.
“Poliqon” “Indian Today” nəşrinə istinadən xəbər verir ki, “Rampage” raketləri Hindistan HHQ-nin Su-30, MiQ-29 və “Jaguar”, HDQ-nin isə MiG-29K döyüş təyyarələrində istifadə olunacaq.
Bildirilib ki, səsdən sürətli “hava-yer” tipli “Rampage” raketləri hindistanlı pilotlara 250 kilometr uzaqlıqdakı hədəfləri dəqiqliklə vurmağa imkan verəcək.
Nəşr həmçinin “Make in India” təşəbbüsü çərçivəsində “Rampage” raketlərinin Hindistanda kütləvi istehsal olunmasının planlaşdırıldığını da qeyd edib.
