Pakistanın Pəncab əyalətində sənaye zonasında baş verən partlayış nəticəsində 6 nəfər ölüb, 13-ü ağır olmaqla 30 nəfər yaralanıb.
Publika.az xəbər verir ki, Pakistanın Pəncab əyalətinin Multan şəhərində LPG tankeri partlayıb.
Tankerin ətrafa səpələnmiş hissələri avtomobillərə və binalara ziyan vurub.
Xilasedicilər partlayış nəticəsində meydana gələn yanğının saatlar sonra söndürüldüyünü bildirib. Yanğın nəticəsində çoxlu mal-qara da tələf olub. Polis əməkdaşı Sadiq Əli tankerdən qaz sızmasının davam etdiyini və ərazidə evakuasiya işlərinə başlanıldığını qeyd edib.
