BƏƏ-nin “EMAAR Group” şirkəti Gürcüstana 6 milyard dollar həcmində investisiya yatıracaq.
Teleqraf.com-un yerli bürosu xəbər verir ki, bu barədə BƏƏ-də səfərdə olan Gürcüstanın Baş naziri İrakli Kobaxidze jurnalistlərə bildirib.
Onun sözlərinə görə, misli görünməmiş sərmayələrlə bağlı bu gün Əbu-Dabidə memorandum imzalanıb.
“Çox maraqlı layihə reallaşdırılacaq. Tbilisi, Batumi və Qonioda çoxfunksiyalı infrastruktur inkişaf etdiriləcək”, - İ.Kobaxidze qeyd edib.
Müəllif: Cəmilə Babayeva
