Azərbaycan Dövlət Aqrar Universitetində (ADAU) tədris prosesini daha da zənginləşdirmək və tələbələrin keyfiyyətli təhsil almalarını təmin etmək məqsədilə universitetin kitab fonduna 285 ədəd yeni dərs vəsaiti təqdim edilib.
TƏHSİL.BİZ -in bölgə müxbiri xəbər verir ki, vəsaitlər ADAU-EGE ikili diplom proqramı çərçivəsində “Aqronomluq”, “Bitki mühafizəsi” və “İqtisadiyyat” ixtisaslarının II və III kurs tələbələri üçün nəzərdə tutulsa da, ADAU-da təhsil alan bütün tələbə, magistr və doktorantlar tərəfindən də istifadə oluna bilər.
