Müğənni Samir Bağırov illər əvvəl çalışdığı restoranda rəqqasənin öldürülməsi ilə bağlı suallara cavab verib.
OLAY yazır ki, bu barədə o, “Pərvizə görə”də açıqlama verib. Bağırov bildirib ki, hadisə onun yanında olmayıb:
“Mənim yanımda olmadı. Biz bir yerdəydik. Hadisə mən gedəndən sonra olub. Əgər yanımda olsaydı, dəli olardım, bilmirəm necə yaşayardım? O vaxt çox çətin anlar keçirdim. Başqa cür düşünürdüm. Kim rəhmətə gedirsə, onlar bizim aramızda hər şeyi görürlər, eşidirlər. Sən ölümdən sonra görəcəksən, eşidəcəksən. Meyit uzanır, kim nə dedi, kim nə etdi, yasda nə yedi görür, eşidir. Hər şeyi görəcəksən... Kiminsə nə etdiyini görəcəksən. İki-üç il ərzində bütün dünyaya bu sirlər açılacaq. Dolça dövrü gəlir. Bizə məktəbdə öyrədilənin 90 faizi yalandır. Mənə çoxdan bunu deyiblər ki, qocalanda insanları xilas edəcəyəm. Məndə hərdən belə şeylər olur. Özümü bu vəziyyətə sala bilmirəm. Məsələn, hansısa mövzuda mənə məlumat gəlir onu deyirəm-deyirəm. Sonra məndən soruş heç nə yadımda olmur. Əgər qarşımdakının problemini ürəkdən hiss edirəmsə, məndə bu, xüsusiyyət açılır. Sadəcə özümü qapadıram. Mən bundan əmin olmuşam ki, nə vaxtsa necə lazımdırsa, yenidən səhnəyə çıxacağam. Özüm oturub gözləyirdim, hərəkət etmirdim. İşlər ard-arda düzəldi... Çox səhvlərim oldu, buna görə peşmanam. Amma vaxtında kimi incitmişəmsə, mən Samir Bağırov üzr istəyirəm. Nə isə, keçdi. Çox qəribə insanam, təkliyi xoşlayrıam. Mənə ilham tək olanda gəlir. Yuxarıdakı güclər mənimlə tək olanda ünsiyyətə girirlər. Ona görə çox bağlı həyat yaşayıram. İndi 5 adam mənim yanıma, evimə gəlir”.
