Azərbaycan Futbol Hakimləri birliyi Bəhramovun 100 illiyi ilə bağlı ictimaiyyətə səsləndi

İki gün sonra Azərbaycan futbolunun fəxri Tofiq Bəhramovun 100 illik yubileyi olacaq.

Fanat.Az xəbər verir ki, müxtəlif qurumlar yubiley tədbirlərinə hazırlaşırlar.

Azərbaycan Futbol Hakimləri İctimai Birliyi bununla bağlı açıqlama yayıb:

"Bu həftə Azərbaycan futbol hakimliyi üçün çox önəmilidir.

Belə ki, ölkəmizin fəxri, dünya idmanının və futbolun tanınmış siması, görkəmli futbol hakimi Tofiq Bəhramovun 100 illik yubileyidir. Tofiq müəllim 1925-ci il 29 yanvar tarixində dünyaya gəlmişdir və bu il onun adandan olmasının 100 illiyi qeyd ediləcəkdir.

Azərbaycan Futbol Hakimləri İctimai Birliyi bu həftə və daha sonra 2025-ci il ərzində ölkəmizin futbol ictimaiəti ilə birlikdə dünya şöhrətli futbol hakimimizin xatirəsini müxtəlif tədbirlərlə yad edəcəkdir. Hamınızı bu tədbirlərdə aktiv olmağa dəvət edirik.

Sabah - 28 yanvar saat 12:00-da Tofiq Bəhramovun xatirəsini yad etmək üçün İkinci Fəxri Xiyabanda onun qəbri ziyarət olunacaq. İştirak etmək istəyən şəxslər ziyarətə qoşula bilərlər". 

• Yubiley
• Tofiq Bəhramov
• Azərbaycan Futbol
• Futbol Hakimliyi