Hindistanın Yeni Dehli şəhərində dörd mərtəbəli binanın uçması nəticəsində 2 nəfər ölüb, 12 nəfər xilas edilib.
Söz.az xəbər verir ki, bu barədə “Indian Express” məlumat yayıb.
Məlumata görə, çökən bina yeni tikilib. Buna görə də köhnəlmə və ya fövqəladə vəziyyətlə bağlı versiya nəzərə alınmır.
Konstruksiyaların dağılmasının səbəbləri hələlik müəyyən edilməyib.
Xilasetmə işləri hələ də davam etdiyi üçün qurbanların və yaralıların sayı arta bilər.
