AZ

Tramp transgenderlərlə bağlı qanun imzaladı: Orduda xidmət edəcəklər?

1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.



ABŞ Prezidenti Donald Tramp ABŞ ordusunda islahatların aparılması ilə bağlı dörd sərəncam imzalayıb.
Oxu.Az-ın xəbərinə görə, bu barədə CNN məlumat verib.
Məlumata görə, sərəncamlardan biri də transseksualların (transgenderlərin) ABŞ ordusunda xidmət keçməsinin qadağan edilməsini nəzərdə tutur.
Bildirilir ki, ABŞ liderinin sərəncamları xüsusilə həm transgender xidməti, həm də müxtəlifliyi, bərabərliyi və orduda inklüzivliyi təmin edən proqramları ləğv edir.
Adının açıqlanmasını istəməyən ABŞ rəsmisinin sözlərinə görə, Trampın yeni sərəncamında cinsiyyəti dəyişdirilmiş şəxslərin orduda xidmət etmək üçün tələb olunan sağlamlıq meyarlarına cavab vermədiyi xüsusi qeyd olunub.
Nəşrin mənbəsinin sözlərinə görə, transseksualların tibbi yardıma ehtiyacı var ki, bu da qoşunların yerləşdirilməsi və ya digər döyüş hazırlığı tələbləri ilə uyğun gəlmir.
Qeyd edək ki, Donald Trampın transseksualları ABŞ ordusundan uzaqlaşdırmaq barədə niyyəti hələ noyabrın sonunda məlum olmuşdu.
Seçilən
18
50
oxu.az

10Mənbələr