İran İslam İnqilabı Keşikçiləri Korpusunun (SEPAH) Hava-Kosmik Qüvvələri ölkənin cənubunda keçirilən genişmiqyaslı hərbi təlimlər zamanı “Gaza” (“Qəzza”) adlı pilotsuz uçuş aparatını (PUA) nümayiş etdirib.
“Poliqon” IRNA-ya istinadən xəbər verir ki, 1000 kilometr mənzilə sahib olan və ən azı 500 kiloqram faydalı yük daşıya bilən “Gaza” PUA təlimdə icra edilən tapşırıqlar zamanı səkkiz şərti düşmən hədəfini uğurla məhv edib.
PUA-nın qanad açıqlığı 22 m, uçuş ağırlığı 3100 kq, havada qalma müddəti 35 saat və kruiz uçuş sürəti 350 km/s-dir. Əməliyyat radiusu təqribən 4000 kilometr olan “Gaza” pilotsuz uçuş aparatı bir uçuşda 13-ə qədər raket daşıya bilir.
