ABŞ prezidenti Donald Tramp Alyaska ştatında qorunan ərazilərdə neft və qaz hasilatını bərpa etmək planlarını açıqlayıb.
Onun sözlərinə görə, bu yataqların ehtiyatları bütün Asiya bazarının tələbatını ödəyə biləcək. Prezidentin sözlərinə görə, bərpa tədbirləri yaxın vaxtlarda sərəncamla qəbul ediləcək.
“Düşünürəm ki, mən bunu icra sərəncamı ilə edəcəm… Düşünürəm ki, biz bunu tez edəcəyik, lakin bu, yerləşdiyi yerə görə bütün Asiyanı təmin edə biləcək bir şey olacaq. “Arktika Milli Vəhşi Təbiət Sığınağı bütün Asiyanı təmin edə bilər” – Tramp deyib.
Amerika prezidentinin sözlərinə görə, Alyaskadakı yataq “ən böyüklərdən biridir, Səudiyyə Ərəbistanından daha böyükdür”. O, həmçinin vurğulayıb ki, ABŞ-ın əvvəlki prezidenti Co Baydenin administrasiyası Alyaskanın vəhşi təbiət sığınacağında neft və qaz hasilatını qadağan etməklə yanlış hərəkət edib.
Qeyd edək ki, Donald Tramp daha əvvəl sələfi Co Baydenin neft və qaz hasilatına tətbiq etdiyi məhdudiyyətləri aradan qaldıran sərəncam imzalayıb. O, həmçinin elektrik nəqliyyat vasitələrinin payı standartını ləğv edib və külək təsərrüfatı operatorlarından yeni dəniz icarələrini yasaqlayıb.
//Samir Qurbanov, Editor.az
