"Bakı Metropoliteni" Qapalı Səhmdar Cəmiyyəti 2024-cü ilin 16 sentyabr tarixində sərnişin daşınma sayına görə rekorda imza atıb.
Teleqraf.com-un "Bakı Metropoliteni" QSC-yə istinadən xəbərinə görə, ötən ilin sentyabrın 16-da "Bakı Metropoliteni" QSC-də daşınan sərnişin sayı 898 180 olub. Daha sonra ən yüksək göstərici noyabrın 7-də qeydə alınıb. Belə ki, noyabrın 7-də "Bakı Metropoliteni" QSC 885 786 sərnişinə xidmət göstərib.
Xatırladaq ki, bunadək ən yüksək göstərici 24 dekabr 2018-ci il tarixində qeydə alınmışdı. Həmin gün metropoliten 882 254 sərnişinə xidmət göstərmişdir.
Müəllif: Teleqraf.com
