Adı açıqlanmayan Səudiyyə Ərəbistanı klubu "Real Madrid"in vingeri Vinisius Juniora bütün müqavilə müddəti ərzində 1 milyard avro maaşla 5 illik müqavilə təklif edib.
90deqiqe.Az xəbər verir ki, bu barədə İspaniyanın "AS" nəşri məlumat yayıb.
Mənbələrin məlumatına görə, Səudiyyə klubu Vinisiusun transferi üçün "Kral Klubu"na 300 milyon avro təklif etmək və illik 200 milyon avroluq müqavilə imzalamaq istəyir. Bildirilir ki, “qaymaqlılar” futbolçunu 1 milyard avrodan aşağı qiymətə satmaq istəmir.
Daha əvvəl bildirilmişdi ki, futbolçunun özü hazırda “Əl-Hilal” və “Əl-Nəsr” klublarının ona olan marağına baxmayaraq, Madrid klubunda qalmaq niyyətindədir.
Bu mövsüm Vinisius bütün turnirlərdə 26 oyun keçirib, 16 qol vurub və 10 məhsuldar ötürmə edib. Futbolçunun klubla hazırkı müqaviləsi 2027-ci ilin yayına kimi nəzərdə tutulub. Transfermarkt internet portalına görə forvardın təxmini dəyəri 200 milyon avrodur.
