UEFA Avropa Liqasının Liqa mərhələsinin VIII turunda keçiriləcək “Olimpiakos” (Yunanıstan) – “Qarabağ” oyununun hakimləri açıqlanıb.
Msport.az UEFA-nın rəsmi saytına istinadən xəbər verir ki, qarşılaşmada rumınıyalı ədalət təmsilçiləri söz sahibi olacaqlar.
FIFA referisi Radu Petrescuya Radu Ghinguleac və Mircea Mihail Grigoriu köməklik göstərəcəklər. Dördüncü hakim funksiyasını Marcel Birsan yerinə yetirəcək. VAR-da Catalin Popa, AVAR-da Sebastian Coltescu əyləşəcək.
Qeyd edək ki, Liqa mərhələsinin VIII turunda, yanvarın 30-da baş tutacaq “Olimpiakos” – “Qarabağ” oyunu Bakı vaxtı ilə saat 00:00-da start götürəcək.
