1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Hokkeydə Dünya Kuboku bərpa olunur.
Oxu.Az xəbər verir ki, yarışın 2028-ci ildə keçirilməsi planlaşdırılır.
NHL və hokkeyçilərin həmkarlar ittifaqı Dünya Kubokunu Beynəlxalq Buzüstü Hokkey Federasiyasının (IIHF) iştirakı olmadan təşkil etmək niyyətindədirlər.
Gələn ay keçiriləcək "4 Nations Face-Off" zamanı Dünya Kubokunun bərpasının rəsmən açıqlanacağı gözlənilir. Kanada, ABŞ, İsveç və Finlandiya komandalarının iştirak edəcəyi sözügedən yarış isə fevralın 12-20-də Monreal və Bostonda olacaq.
Jurnalist Darren Drener bildirib ki, NHL və hokkeyçilərin həmkarlar ittifaqı IIHF-yə Dünya Kubokunu onun iştirakı olmadan keçirməyi planlaşdırdıqları barədə məlumat veriblər.
Qeyd edək ki, Dünya Kuboku sonuncusu 2016-cı ildə olmaqla üç dəfə keçirilib. Axırıncı turnirdə 8 iştirakçı olub (6 milli və 2 birləşmiş komanda) və finalda Avropa komandasına qalib gələn Kanada millisi çempionluğu qazanıb.
