"Mançester Siti"nin və Belçika millisinin cinah hücumçusu Jeremi Doku karyerasını İspaniya nəhəngində davam etdirə bilər.
Fanat.Az xəbər verir ki, məlumatı "Sport.es" yayıb.
Xəbərə görə, onun xidmətində "Barselona" maraqlıdır. Kataloniya təmsilçisinin Dokunu cari mövsümün sonunadək icarəyə götürmək istədiyi bildirilib. Mənbə sözügedən oyunçunun Mançester təmsilçisində az oynamasından narazı olduğunu və "Barselona"ya keçmək variantına isti yanaşdığını vurğulayıb.
Cari mövsüm bütün turnirlərdə 22 oyuna çıxan Jeremi 6 qol və 7 məhsuldar ötürmə ilə yadda qalıb. Belçikalı futbolçunun Mançester təmsilçisi ilə müqaviləsinin müddəti 2028-ci ilin yayına qədər nəzərdə tutulub. "Transfermarkt" portalı Dokunun transfer qiymətini 60 milyon avro ilə dəyərləndirir.
Nihat
