Bakı. TurkicWorld:
Bələdiyyə seçkiləri ilə əlaqədar 16 092 nəfərin namizədliyi qeydə alınıb.
TurkicWorld xəbər verir ki, bunu Mərkəzi Seçki Komissiyasının sədri Məzahir Pənahov bu gün keçirilən mətbuat konfransında deyib.
O bildirib ki, imza vərəqəsini qaytaran 16 294 namizəddən 16 238-i qeydə alınıb.
MSK sədrinin verdiyi məlumata görə, namizədlərdən 8 504-ü siyasi partiya tərəfindən, 7 588-i isə fərdi qaydada müraciət edib.
“Namizədlərin 31 faizindən çoxu qadınlar, 82 faizi ali təhsillidir. Bülletendə adı olan namizədlərin 41 faizi 21-35, 63 faizi 21-45 yaş aralığındadır”, - M.Pənahov qeyd edib.
Qeyd edək ki, sabah keçiriləcək seçkilərdə seçki məntəqələri səhər saat 08:00-da açılacaq və səsvermə prosesi saat 19:00-da yekunlaşacaq. Seçkilərdə ümumilikdə 685 bələdiyyə üçün 16 min 92 namizəd mübarizə aparır.
