AFFA-nın Mətbuat və İctimaiyyətlə Əlaqələr Departamentinin rəhbəri Elnur Məmmədlinin “Football-plus.az”a verdiyi məlumata görə, qurum artıq bu münasibətlə yubiley tədbirlərinə başlayıb:
“AFFA-nın təşəbbüsü ilə “Azərpoçt” MMC tərəfindən yeni poçt markaları dövriyyəyə buraxılıb.Yeni filateliya məhsulu Tofiq Bəhramovun 100 illik yubileyinə həsr olunub. Buraxılış 3 markadan ibarət blok şəklindədi. Burda Tofiq Bəhramovun portreti, eləcə də hakimin fəaliyyətindən olan fotoları yer alıb.Həmçinin AFFA-nın xüsusi sifarişi ilə ölkədə ilk dəfə futbol dünyasının əsas elementi sayılan futbol formalarını əks etdirən markalardan ibarət buklet hazırlanıb. Bundan başqa, Misli premyer-liqasının 21-ci turunun matçlarında Tofiq Bəhramov haqda geniş məlumat veriləcək, əfsanəvi hakimimizin xatirəsi yad ediləcək. Futbol Veteranları İttifaqının da Tofiq Bəhramovun 100 illiyi ilə bağlı müəyyən tədbirləri nəzərdə tutulub. Növbəti aylarda da silsilə tədbirlərin keçirilməsi planlaşdırılır”.
KƏNAN BAHADIR
