iOS-da WhatsApp messencerinin istifadəçiləri bir cihazda iki hesabdan istifadə edə biləcəklər. AzPost xəbər verir ki, tərtibatçılar müvafiq yeniləməni buraxmağa hazırlaşırlar. Bu barədə WABetaInfo yazıb.
Bildirilir ki, sözügedən funksiyanın sınaqları hazırda messencer komandası tərəfindən aparılır. Xüsusiyyətin təsvirini iOS üçün messencerin 25.2.10.70 beta versiyasında tapa bilərsiniz, lakin hələ ki, ondan istifadə edə bilməzsiniz.
Maraqlıdır ki, Android smartfonlarının sahibləri üçün iki hesabdan istifadə etmək imkanı 2023-cü ilin oktyabrından mövcuddur.
Əlavə olaraq oxu
WhatsApp köhnə Android telefonlar üçün dəstəyini dayandıracağını açıqlayıb. Meta-nın verdiyi açıqlamaya görə, fevralın 1-dən etibarən Android 5.0-dən əvvəl əməliyyat sistemi olan telefonlarda WhatsApp açılmayacaq.
AzPost bildirir ki, WhatsApp dünyada ən çox istifadə edilən mesajlaşma proqramlarından biridir. Lakin köhnə qurğular texnoloji yeniliklərə uyğunlaşa bilmədiyi üçün bu telefonlara verilən dəstək tədricən ləğv edilir.
Meta-nın açıqlamasına görə, KaiOS istifadə edən cihazlar 31 yanvar 2025-ci il tarixindən etibarən tətbiqə daxil ola bilməyəcək. WhatsApp-dan istifadə edə bilməyən cihazlara Samsung, Motorola, LG, HTC və Sony kimi köhnə məşhur modellər daxildir:
Motorola: Moto G (1-ci nəsil), Droid Razr HD, Moto E (1-ci nəsil)
Samsung: Galaxy. S3, Galaxy Note II, Galaxy Ace 3, Galaxy S4 Mini, HTC: One X, One X+, Desire 500, Desire 601
LG: Optimus G, Nexus 4, G2 Mini, L90
Sony: Xperia Z, Xperia SP, Xperia T, Xperia V
