"Lənkəran" Basketbol üzrə Azərbaycan Kubokunun 1/8 final mərhələsində mübarizəni dayandırıb.
Basketbol üzrə Azərbaycan Kubokunda 1/8 final mərhələsinə start verilib.
"Operativ Media" xəbər verir ki, günün ilk oyununda “Lənkəran” NTD-ni qəbul edib.
Qarşılaşma paytaxt təmsilçisinin qələbəsi ilə yekunlaşıb – 87:73. Beləliklə, NTD 1/4 finala vəsiqə qazanıb.
Bu gün “Abşeron” – “Quba” görüşü 19:00-da start götürəcək. Bu raundun “Gəncə” – “Ordu” və “Sumqayıt” – “Neftçi” oyunları sabah təşkil olunacaq. “Naxçıvan”, “Sabah”, “Sərhədçi” və “Şəki” komandaları mübarizəyə 1/4 finaldan start verəcəklər.
