Birinci Liqa təmsilçisi "Mingəçevir" transfer çalışmalarını davam etdirir.
Fanat.Az-a klubdan verilən məlumata görə, hazırda çıxış etdiyi çempionatda sonuncu pillədə mövqe tutan "işıqçılar" daha 4 oyunçunun transferini rəsmiləşdiriblər.
Bunlardan biri ötən il də "Mingəçevir"də olmuş Hüseyn Əliyevdir. Digər oyunçulara gəlincə, "Şəmkir"dən Rövşən Şahmuradov, "Şəfa"dan Vüqar Həsənov, eləcə də qapıçı Elməddin Məmmədov heyətə qatılıb. Sadalananların hamısı müddəti cari mövsümün sonuna qədər nəzərdə tutulan müqaviləyə imza atıblar.
Xatırladaq ki, daha öncə 6 futbolçusunu yola salan mərkəzi aran təmsilçisi 7 yeni transfer reallaşdırmışdı.
Mirağa
