Məşhur braziliyalı futbolçu Neymar doğma klubu "Santos"a qayıdır.
Publika.az xəbər verir ki, o, tibbi müayinədən keçmək və köhnə-yeni klubu ilə müqavilə imzalamaq üçün Braziliyaya gedib. Bu barədə insayder Fabritsio Romano məlumat yayıb.
32 yaşlı braziliyalı hücumçu Səudiyyə Ərəbistanının "Əl-Hilal" klubundan rəsmən ayrılıb. Tərəflər qarşılıqlı razılıq əsasında müqaviləyə xitam vermək qərarına gəliblər. Neymar 2023-cü ilin yayında Fransanın PSJ klubundan Səudiyyə Ərəbistanının "Əl-Hilal" klubuna keçmişdi.
