Oreqon sahillərindən 480 km aralıda yerləşən “Axial” dağının sualtı vulkanı püskürmə əlamətləri göstərir. 1997-ci ildən vulkanı izləyən alimlər 2025-ci ilin sonuna qədər püskürmənin baş verəcəyini proqnozlaşdırıblar. Bu hadisə insanlar üçün təhlükəli olmasa da, vulkanik fəaliyyətin öyrənilməsi üçün unikal məlumatlar verə bilər.
Qaziler.az xəbər verir ki, bu barədə məlumat “Nature” jurnalında dərc olunub.
“Axial” dağ Sakit okeanın şimal-şərqindəki ən aktiv vulkandır. Son 30 ildə üç dəfə püskürüb: 1998, 2011 və 2015-ci illərdə. Vulkan indi son püskürmədən əvvəl müşahidə olunan qabarma səviyyəsinə çatıb.
“Axial dağı suyun altında gizləndiyi üçün hər kəsin eşitmədiyi bir vulkandır. Lakin onun fəaliyyəti heyranedicidir”, - vulkanoloq Bill Çadvik bildirib.
QAZİLER.AZ
