Füzuli rayonunun Üç Bulaq kəndində şəhidlərin şəkillərinin əks olunduğu xatirə lövhəsi naməlum şəxslər tərəfindən dağıdıldı.
News365.az xəbər verir ki, hadisə kənd sakinləri, şəhid ailələri və yerli əhali arasında ciddi narazılıq doğurub.
Məlumata görə, bu vandalizm aktı şəhidlərin xatirəsinə və onların ailələrinə qarşı böyük hörmətsizlik kimi qiymətləndirilir. Kənd sakinləri hadisə ilə bağlı aidiyyəti qurumlara müraciət edərək, məsul şəxslərin tapılıb cəzalandırılmasını tələb edirlər.
Şəhid ailələri və sakinlər qeyd ediblər ki, bu cür halların təkrarlanmaması üçün daha ciddi tədbirlər görülməli və şəhidlərin xatirəsinə olan hörmət qorunmalıdır. Hazırda hadisə ilə bağlı araşdırma aparıldığı bildirilir.
