Səudiyyə Ərəbistanı klublarından biri "Real Madrid"in braziliyalı hücumçus Vinisiusa 1 milyard avro qazanacağı müqavilə təklif edib.
Bu barədə AS adı açıqlanmayan mənbəyə istinadən xəbər verir.
Müqavilə beş il müddətinə nəzərdə tutulub. Klub Vinisiusun transferi üçün 300 milyon avro və illik 200 milyon avroluq müqavilə təklif edir. "Real Madrid" özü oyunçunu 1 milyard avrodan aşağı qiymətə satmaq istəmir.
Madrid klubunun rəhbərliyi transfer təkliflərini yalnız Vinisiusun klubu tərk etmək istədiyi təqdirdə nəzərdən keçirməyə hazırdır. Futbolçunun özü Səudiyyə Ərəbistanının "Əl-Hilal" və "Əl-Nəsr" klublarının marağına baxmayaraq, hələ ki, "Real Madrid"dən ayrılmaq istəyini bildirməyib.
Bu mövsüm Vinisius bütün turnirlərdə 26 oyun keçirib, 16 qol vurub və 10 məhsuldar ötürmə edib.
©Qaynarinfo
