Yazını böyüt
Yazını kiçilt
Bu gün yanvarın 28-də İran İslam Respublikası ordusu özünün ilk dəqiq lazer bombasını təqdim edib.
Hafta.az xəbər verir ki, bu haqda “Mehr” agentliyi məlumat yayıb.
Məlumata görə, İran quru qoşunlarının ölkənin qərbində təşkil etdiyi hərbi təlimlər zamanı İran ordusunun yeni nailiyyəti təqdim edilib. Bu təlimlər zamanı quru qoşunları ilk dəfə olaraq dəqiq nişan almağa və yüksək dağıdıcı gücə malik lazer bomba sistemini nümayiş etdiriblər.
Quru qoşunlarının pilotsuz uçuş aparatları bölməsinin komandirinin sözlərinə görə, yeni bomba istənilən hava və coğrafi şəraitdə istifadə oluna bilər.
