ABŞ-da ibtidai məktəbin direktoru Elizabet Hill-Brodiqan 100-dən çox uşağın iştirak etdiyi məclisdə spirtli içki verildiyinə görə həbs edilib.
Qaziler.az bildirir ki, "ABC News" bu barədə yanvarın 28-də polisin məlumatına istinadən xəbər yayıb.
Hadisə yanvarın 19-da baş verib. Florida ştatının Koko-Biç ştatında polis məmurları, böyük bir ev şənliyi ilə bağlı xəbərə görə ora gedib.
"Evdə eyni köynək geyinmiş 100-dən çox azyaşlı müşahidə edilib, onların çoxu spirtli içki qəbul edib. Sonradan məlum olub ki, bu içki açıq qapılı soyuducularda olub".
Hüquq-mühafizə orqanlarının məlumatına görə, uşaqlardan biri evin qarşısındakı qazonda tapılıb. Böyük miqdarda spirtli içki qəbul etdiyinə görə onun tibbi yardım lazım olub. Bir azyaşlı da sərxoş halda avtomobil idarə etdiyinə görə həbs edilib.
Bundan əlavə, polis şənlikdə eyni ibtidai məktəbin müəllimi Carli Andersonun da olduğunu müəyyən etdi. Hər iki qadın valideyn vəzifələrinə etinasızlıq və yetkinlik yaşına çatmayanların cinayət törətməsinə köməklik ittihamı ilə həbs edilib.
QAZİLER.AZ
