Bu gün Vaqif Səmədoğlunun xatirə günüdür, Allah rəhmət eləsin, özümə qapıldığım məqamlarda oxuyuram. İlahi deyim və İlahi duyumun vəhyi kimi söylənən şerləri kədərli məqamlarda ən məlhəm-təsəlli, sevinəndə dünyanı nurlandıran işıq seli kimidir. Zaman dəyişir,şer dünən də yazılıb, bu gün də yazılır, sabah da yazılacaq. Hər birindən də öz zamanının ab-havası duyulur. Amma bütün zamanların fövqündə duran şeirlər də var, zamansızlıq “möhürü” vurulan şerlər arasında Vaqif Səmədoğlu deyimləri də olacaq...
Yer üzündə bircə qadın varsa məhəbbət var yer üzündə.
Yer üzündə bircə cocuq varsa,
övlad var yer üzündə.
Yer üzündə bircə ağac varsa, kölgə var yer üzündə.
Yer üzündə bircə tikə torpaq varsa, vətən var yer üzündə.
