"Arsenal"ın sabiq müdafiəçisi Pablo Mari İtaliyada klubunu dəyişib.
Fanat.Az xəbər verir ki, 31 yaşlı futbolçu "Fiorentina"nın futbolçusu olub.
O, yeni klubuna İtaliya A Seriyasının digər təmsilçisi "Montsa"dan keçib. "Transfermarkt"-ın məlumatına görə, "bənövşəyilər" futbolçu üçün 1,8 milyon avro ödəyib. Müqavilə iki il yarım müddətinə - 2027-ci ilin yayına qədər imzalanıb.
İspaniyalı Mari bu mövsüm bütün yarışlarda 21 matçda iştirak edib.
"Arsenal"ın keçmiş müdafiəçisi 2020-ci ildən 2023-cü ilə qədər "topçular"ın oyunçusu olub, vaxtaşırı icarəyə götürülüb.
“Fiorentina” "Montsa"dan fərqli olaraq, İtaliya çempionatında hazırda altıncı yerdədir. "Montsa" autsayderdir, liqada sonuncu pillədə qərarlaşıb.
Mirağa
