Ölkənin Yuxarı Şirvan zonasında seçici aktivliyi qeydə alınıb.
“Report"un Yuxarı Şirvan bürosunun məlumatına görə, 62 saylı Kürdəmir seçki dairəsi üzrə seçici fəallığı müşahidə olunur.
57 seçki məntəqəsinin yaradıldığı dairədə 55 min 811 seçici qeydiyyatdadır, onlardan 247 nəfəri ilk dəfə səs verəcək.
Məlumata əsasən, dairədə qeydə alınmış 211 namizəd 114 yer uğrunda mübarizə aparır.
Dairə üzrə ən yaşlı seçici 101 yaşlı Laləzar Məhəmməd qızı Eyyubovadır.
Saat 10:00-a olan məlumata əsasın, dairədə 8 min 563 seçici (15,1 faiz) seçki hüququndan istifadə edib.
Qeyd edək ki, səsvermə saat 19:00-a qədər davam edəcək.
Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.
Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.
