Kənd təsərrüfatı naziri Məcnun Məmmədov bələdiyyə seçkilərində səsvermə hüququndan istifadə edib.
Teleqraf.com xəbər verir ki, o, 21 saylı Nəsimi-Binəqədi seçki dairəsinin 11 saylı məntəqəsində səs verib.
Qeyd edək ki, bu gün Azərbaycanda bələdiyyə seçkiləri keçirilir. 118 seçki dairəsini əhatə edən 685 bələdiyyə üzrə 8 071 bələdiyyə üzvü seçiləcək.
Seçkilərdə ümumilikdə 16 min 96 namizəd mübarizə aparır. Onlardan 8504 nəfəri 24 siyasi partiyanın üzvüdür.
Xatırladaq ki, Azərbaycanda bələdiyyə seçkilərində 5 milyon 961 min 987 nəfər səsvermə hüququna malikdir.
Müəllif: Teleqraf.com
