"Qarabağ"ın nəticələri azarkeşləri qane etməyəndə tənqidi fikirlər səsləndirə bilərlər".
İdman.biz xəbər verir ki, bu sözləri Sport24.az-a açıqlamasında “Qarabağ”ın sabiq futbolçusu Aslan Kərimov deyib.
Kərimov son zamanlar "Qarabağ"ın uğursuz çıxışına görə komandanı və Qurban Qurbanovu tənqid edənlər barədə bunları deyib: "Qurban Qurbanovun istefaya səsləmək cəfəngiyyatdı. "Qarabağ"ı bu səviyyəyə gətirib çatdıran məşqçinin istefa verməsi gülünc olar. Amma nəticələr ürəkaçan olmayanda tənqid də olmalıdı. Niyə də olmasın? Hansısa çatışmazlıq olanda kimsə tənqidi fikir bildirirsə, normal qarşılanmalıdır. "Qarabağ"da 10 ilə yaxındır görülən işlər göz qabağındadır. Amma tənqid normaldır. Dünyanın hər bir yerində uğursuzluq fonunda baş məşqçini tənqid eirlər".
Qeyd edək ki, Ağdam təmsilçisinin son 2 oyunda uğursuz çıxış etməsi sosial şəbəkələrdə azarkeşlərin narazılığına səbəb olub. Bəziləri komanda və baş məşqçi barədə tənqidi fikirlər səsləndirirlər.
İdman.biz
