Polşa hökuməti ölkənin Hərbi Hava Qüvvələri (HHQ) üçün ABŞ-dan 200-dən çox AGM-88G AARGM-ER raketləri satın alır.
“Poliqon” Polşa Milli Müdafiə Nazirliyinə istinadən xəbər verir ki, bununla bağlı tərəflər arasında təxminən 745 milyon ABŞ dolları dəyərində müqavilə imzalanıb.
Müqavilə üzrə raketlərin sifarişçiyə çatdırılması 2029-2035-ci illərdə həyata keçiriləcək.
Bildirilib ki, 200 km-dən çox mənzilə malik “hava-yer”” tipli AGM-88G AARGM-ER raketlərinin alınması Polşa HHQ-yə məxsus döyüş təyyarələrinin zərbə qabiliyyətini əhəmiyyətli dərəcədə artıracaq.
