"Qarabağ”ın dayaq yarımmüdafiəçisi Julio Romao Avropa Liqasının Liqa mərhələsinin 8-ci turu çərçivəsində “Olimpiakos”a qarşı keçirəcəkləri matçdan öncə keçirilən mətbuat konfransına qatılıb.
Fanat.Az braziliyalı futbolçu belə danışıb:
“Oyunun taleyini detallar həll edəcək. Turnir cədvəlinə baxanda görürük ki, “Olimpiakos” daha yaxşı vəziyyətdədir. Aşağı pillələrdə olmağımıza baxmayaraq, sabah yaxşı nəticə əldə etmək üçün əlimizdən gələni edəcəyik. Bizim üçün hər oyun önəmlidir. Turnir cədvəlindəki vəziyyətdən asılı olmayaraq, hər matça müsbət nəticə qazanmaq üçün çıxırıq. Sabahkı oyun da istisna olmayacaq. Avropa Liqasını daha yuxarı pillələrdə bitirmək üçün çalışacağıq.
Hazırda layiq olduğumuz yerdəyimki? Məncə, hə. Futbolda rəqibinin səni yaralamağına şərait yaradırsansa, yaralayacaq. Bir çox matçlarda yaxşı oynadıq, bəlkə də layiq olmadığımız məğlubiyyətlər yaşadıq. Sabah son oyunumuzdur. Turniri layiqli şəkildə bitirmək üçün əlimizdən gələni edəcəyik”.
“Olimpiakos” – “Qarabağ” qarşılaşması sabah Bakı vaxtı ilə saat 00:00-da başlayacaq.
