UEFA Çempionlar Liqasının Liqa mərhələsinə yekun vurulub.
Teleqraf.com xəbər verir ki, yeni formatda keçirilən yarışın sonuncu - VIII turunda bütün oyunlar eyni saatda başlayıb.
Turnir cədvəlinin lideri İngiltərənin "Liverpul" klubu Niderlandda yerli PSV-yə uduzub. Üstəlik, qonaqlar oyunu azlıqda başa vurublar. Bununla belə, "Liverpul" lider kimi adını 1/8 finala yazdırıb.
Son qalib İspaniya "Real Madrid"i Fransada "Brest"i darmadağın edib - 3:0. Lakin bu nəticə "kral klubu"na birbaşa 1/8 finala vəsiqə qazandırmayıb. İlk "24-lüy"ə düşmək üçün mütləq qələbə qazanmalı olan İngiltərə "Mançester Siti"si isə Belçikada "Brügge" üzərində qələbə qazanıb - 3:1. Nəticədə "şəhərlilər" 22-ci yerin sahibi kimi adını "pley-off"a yazdıra bilib.
UEFA Çempionlar Liqası, VIII tur
00:00. "Aston Villa" (İngiltərə) - "Seltik" (Şotlandiya) - 4:2
00:00. "Bavariya" (Almaniya) - "Slovan Bratislava" (Slovakiya) - 3:1
00:00. "Bayer Leverkusen" (Almaniya) - "Sparta Praqa" (Çexiya) - 2:0
00:00. "Barselona" (İspaniya) - "Atalanta" (İtaliya) - 2:2
00:00. "Borussiya Dortmund" (Almaniya) - "Şaxtyor Donetsk" (Ukrayna) - 3:1
00:00. "Brest" (Fransa) - "Real Madrid" (İspaniya) - 0:3
00:00. "Dinamo Zaqreb" (Xorvatiya) - "Milan" (İtaliya) - 2:1
00:00. "Jirona" (İspaniya) - "Arsenal" (İngiltərə) - 1:2
00:00 ."Zaltsburq" (Avstriya) - "Atletiko Madrid" (İspaniya) - 1:4
00:00. "İnter" (İtaliya) - "Monako" (Fransa) - 3:0
00:00. "Lill" (Fransa) - "Feyenoord" (Niderland) - 6:1
00:00. "Mançester Siti" (İngiltərə) - "Brügge" (Belçika) - 3:1
00:00. PSV (Niderland) - "Liverpul" (İngiltərə) - 3:2
00:00. "Sportinq" (Portuqaliya) - "Bolonya" (İtaliya) - 1:1
00:00. "Şturm" (Avstriya) - "Leyptsiq" (Almaniya) - 1:0
00:00. "Ştutqart" (Almaniya) - PSJ (Fransa) - 1:4
00:00. "Yuventus" (İtaliya) - "Benfika" (Portuqaliya) - 0:2
00:00. "Yanq Boyz" (İsveçrə) - "Srvena Zvezda" (Serbiya) - 0:1
Qeyd edək ki, "Liverpul" və "Barselona" klubları 1/8 final mərhələsinə vəsiqəni təmin edib. "Şturm", "Zaltsburq", "Bolonya", "Sparta Praqa", "Leyptsiq", "Jirona", "Srvena Zvezda", "Slovan Bratislava" və "Yanq Boys" klubları növbəti mərhələ şanslarını itirib.
