UEFA Çempionlar Liqasında pley-off mərhələsinin püşkü yanvarın 31-də atılacaq.
“Qafqazinfo” xarici mətbuata istinadən xəbər verir ki, püşkatma Liqa mərhələsini 9-24-cü pillələrdə başa vurmuş 16 komanda arasında baş tutacaq.
1/8 final, 1/4 final və yarımfinal mərhələsinin püşkatma mərasimi fevralın 21-də Nyonda keçiriləcək.
Final matçı isə mayın 31-də olacaq.
Qeyd edək ki, “Liverpul”, “Barselona”, “Arsenal”, “İnter”, “Atletiko”, “Bayer 04”, “Lill” və “Aston Villa” birbaşa turnirin 1/8 finalına yüksəlib.
“Atalanta”, “Borussiya Dortmund”, “Real Madrid”, “Bavariya”, “Milan”, PSV, PSJ, “Benfika”, “Monako”, “Brest”, “Feyenoord”, “Yuventus”, “Seltik”, “Mançester Siti”, “Sportinq” və “Brügge” isə pley-off mərhələsində mübarizə aparacaq.
Xatırladaq ki, Çempionlar Liqasının hazırkı qalibi İspaniya “Real Madrid”dir.
