Azərbaycanın Amsterdamdakı səfiri Məmməd Əhmədzadə etimadnaməsini Niderlandın kralı Villem-Aleksanderə təqdim edib.
“Report” xəbər verir ki, bu barədə diplomat “X”dəki səhifəsində məlumat yayıb.
“Mən Niderlandın Kralı Əlahəzrət Villem-Aleksandera etimadnaməmi təqdim etmək şərəfinə nail oldum”,- deyə səfir M.Əhmədzadə yazıb.
O, həmçinin monarxla Azərbaycan və Niderland arasında münasibətlərin hazırkı vəziyyətini və perspektivlərini, regional inkişaf məsələlərini müzakirə etdiyini vurğulayıb.
Xatırladaq ki, M.Əhmədzadə Azərbaycan Prezidenti İlham Əliyevin 20 dekabr 2024-cü il tarixli sərəncamı ilə Amsterdama səfir təyin edilib.
