Stokholm, 30 yanvar, Nərgiz Cəfərli, AZƏRTAC
İsveçdə “Quran”ı yandırması ilə tanınan 38 yaşlı Salvan Momika güllələnib.
AZƏRTAC xəbər verir ki, medianın məlumatına görə, hücum sosial şəbəkələrdə canlı yayımlana bilərdi.
Hadisə yerinə gələn hüquq-mühafizə orqanlarının əməkdaşları həmin şəxsin öldüyünü və işin qətl kimi araşdırıldığını təsdiqləyiblər. Cinayəti törətməkdə şübhəli bilinən 5 nəfər saxlanılıb.
Qətlin baş verdiyi gün Stokholm dairə məhkəməsi Momikanın nifrət yaymaqda ittiham olunduğu cinayət işi üzrə hökm çıxarmalı idi. Lakin onun ölümü ilə əlaqədar hökm fevralın 3-nə qədər təxirə salınıb.
Bu işdə əli olan Salvan Nacem isə həyatından qorxduğunu deyib.
Polis hücumun mümkün canlı yayımı ilə bağlı məlumatları yoxlamaq da daxil olmaqla, bütün faktlar üzrə araşdırmalarını davam etdirir. Hadisə yerində məhkəmə-tibb ekspertləri və dronlar çalışıb.
İsveç Təhlükəsizlik Xidməti (Säpo) bunu qətl kimi qiymətləndirir və onunla bağlı hadisələr ölkənin təhlükəsizliyi üçün təhdid səviyyəsinə təsir edə bilər.
