Brüssel Hava Limanı hava hərəkətinə nəzarət sistemindəki nasazlıq səbəbindən ölkə daxilində uçuşların həyata keçirilə bilməyəcəyini açıqlayıb.
“Report” xəbər verir ki, bu barədə yerli KİV məlumat yayıb.
“Belçikada hava hərəkətinə nəzarət sistemində yaranan texniki problemlər səbəbindən hazırda hava hərəkəti yoxdur”, - məlumatda bildirilir.
Vurğulanır ki, hava limanı rəhbərliyinin hazırda ölkənin hava məkanının nə qədər müddətə bağlı qalacağı barədə məlumatı yoxdur.
