İspaniyada "Rheinmetall" şirkətində mərmi istehsal edən zavodda partlayış baş verib.
Teleqraf.com xəbər verir ki, bu barədə "Cadena Ser" radiosu məlumat yayıb.
Məlumata görə, hadisə ölkənin cənub-şərqindəki Mursiya şəhərində baş verib. Hadisə nəticəsində şirkətin 6 əməkdaşı xəsarət alıb, onlardan birinin vəziyyəti ağırdır. Radio xidmətinin məlumatına görə, zavodda tank partlayıb, bundan sonra yanğın başlayıb. Daha sonra yanğın yaxınlıqdakı meşəyə keçib.
Mursiya şəhərində yerləşənfabrik bütün növ mərmilər, qoruyucular, gövdələr və bombalar istehsal edir. Zavodun məhsulları Türkiyə və İsrailə ixrac olunur .
Müəllif: Arzu
