Mahnıları, ifaları, filmləri və fəal şəxsiyyəti ilə bir dövrə damğasını vuran Marianna Feytfull 78 yaşında dünyasını dəyişib.
Feytfullun sözçüsü müğənninin Londonda ailəsinin əhatəsində dünyasını dəyişdiyini açıqlayıb.
News24.az xəbər verir ki, 1946-cı ildə Londonda anadan olan sənətçi 1964-cü ildə Rolling Stones şənliyində kəşf edilib.
Müğənni həmin illərdə işıq üzü görən “As Tears Go By” mahnısı ilə böyük populyarlıq qazanıb.
1966-1970-ci illərdə onun The Rolling Stones qrupunun vokalisti Mick Jagger ilə sevgi münasibəti çox danışılırdı.
O, baş rolda oynadığı "Adın Nə olduğunu heç vaxt unutmayacağam", "Motosikletli qız" və "Hamlet" filmləri ilə populyarlığını davam etdirib.
Onu da qeyd edək ki, karyerası boyunca bir çox mükafatlar qazanan sənətçi VH1-in "Rok-n-rollun ən böyük 100 qadını" siyahısına da düşüb.
Günel Məlikzadə
