Britaniyalı professor oğlan uşaq sahibi olma ehtimalını artıracaq “əsgər effekti” adlı metodu açıqlayıb.
News24.az xəbər verir ki, sosial mediada trend mövzuya çevrilən oğlan uşağı dünyaya gətirmə üsulu tarix boyu istifadə edilən üsullardan biridir.
Riyaziyyat professoru Hannah Fray qadınlara hamiləlik zamanı oğlan uşaq sahibi olmaq şanslarını artırmağa kömək edəcək maraqlı bir məsləhətlə çıxış edib. Fray bu üsulun tarix boyu müharibələrdən sonra istifadə edildiyini və oğlan uşaqlarının doğulmasında artım olduğunu qeyd edib. Elm dünyası bu üsulu “geri dönən əsgər effekti” adlandırır.
Fry İngiltərə və Uelsdə doğulan körpələrin cinsi nisbətlərini göstərən bir qrafikdən istifadə edərək üsulu izah etdi. İki dövrə toxunan Fray 1919-cu ildə Birinci Dünya Müharibəsindən sonrakı və 1945-ci ildə İkinci Dünya Müharibəsindən sonrakı dövrə diqqət çəkib.
Fray həmçinin bildirib ki, menstruasiya dövrünün ilkin mərhələsində hamilə qalan qadınların oğlan uşaq sahibi olmaq şansı artır. Fray əsgərlərin müharibədən qayıtdıqdan sonra həyat yoldaşları ilə daha çox vaxt keçirdiklərini və bunun cinsi əlaqənin tezliyini artırdığını və bu qadınların yumurtlama dövrlərinin erkən mərhələlərində hamilə qalmasına səbəb olduğunu söyləyib. O, bunun oğlan uşaqlarının doğulmasını da artırdığını iddia edib.
Aynurə
