Xüsusi nümayəndəlikdən Allahverdi Bağırovun büstü ilə bağlı AÇIQLAMA   

Ötən gün Musavat.com-da Azərbaycanın Milli Qəhrəmanı, şəhid Allahverdi Bağırovun büstünün yaxın vaxtlarda Ağdamda qoyulacağı ilə bağlı yazı getmişdi.

Bu barədə Allahverdi Bağırovun qızı, DSX-nin Tibb xidməti kapitanı Aynur Bağırova saytımıza məlumat vermişdi:

“Yaxın vaxtlarda Ağdamda atamın büstü qoyulacaq. Bununla bağlı dekabrın 24-də xüsusi nümayəndə Emin Hüseynovun qəbulunda olduq. Daha sonra onun köməkçisi bizimlə əlaqə saxladı və bildirdi ki, yaxın zamanlarda büst Ağdama aparılacaq”.

Azərbaycan Respublikası Prezidentinin Xüsusi Nümayəndəliyindən Musavat.com-a bildirilib ki, belə bir müraciət olub və hal-hazırda buna baxılır. Qeyd olunub ki, qərar olduğu təqdirdə ictimaiyyətə məlumat veriləcək.

• Ağdam
• Dsx
• Emin Hüseynov
• Milli Qəhrəman
• Büst
• Xüsusi Nümayəndəlik
• Allahverdi Bağırov
• Aynur Bağırova