Bu gün futbol üzrə Fransa çempionatında (Liqa 1) 2024/2025-ci illər mövsümünün 26-cı turunun növbəti oyunları keçirilib.
Arena.az xəbər verir ki, sonuncu oyun günündə beş qarşılaşma baş tutub.
“Brest” – “Reyms” matçında qapılara qol vurulmayıb. Altı qolun qeydə alındığı “Olimpik” (Lion) – “Havr” matçında meydan sahibləri inamlı qələbəyə seviniblər.
“Strasburq” doğma meydanda “Tuluza”ya, lider PSJ isə Marsel “Olimpik”inə qalib gəlib.
“Monpelye” də evdə “Sent Etyen”lə qarşılaşıb. Lakin bu oyun ikinci hissədə, qonaqlar 2:0 öndə olarkən azarkeşlər arasındakı iğtişaşlar səbəbindən dayandırılıb.
Bu nəticələrdən sonra hazırda 68 xala malik PSJ vahid liderdir. Marsel “Olimpik”i 49 xalla ikinci pillədə qərarlaşıb. “Monako” və “Nitsa” 47, Lion “Olimpik”i 45, “Lill” 44, “Strasburq” 43, “Lans” 39, “Brest” 37, “Tuluza” 34, “Oser” 32, “Renn” 29 xal toplayıb.
Fransa, Liqa 1
26-cı tur
14 mart
Nitsa – Oser 1:1
Qollar: Gessan, 37 – Aye, 90+4.
15 mart
Nant – Lill 1:0
Qol: M.Məhəmməd, 83.
Anje – Monako 0:2
Qollar: Bieret, 77. Akliuş, 88-pen.
Lans – Renn 1:0
Qol: Said, 47.
16 mart
Olimpik (Lion) – Havr 4:2
Qollar: Lakazette, 22-pen. Fofana, 78. Mikautadze, 82. Almada, 90+6 – A.Ture, 31-pen. Kazimir, 45+1.
Brest – Reyms 0:0
Monpelye – Sent Etyen 0:2 (yarıda qalıb)
Qollar: Stassin, 11; 53.
Strasburq – Tuluza 2:1
Qollar: Lemareşal, 47. A.Santos, 54 – Maqri, 3.
PSJ – Olimpik (Marsel) 3:1
Qollar: Dembele, 17. N.Mendes, 42. Lirola, 76-öz qapısına – Quiri, 51.
