Anant Ambani və Radhika Tacirin toyunun dəbdəbəsi çoxlarını təəccübləndirib. Hindistanda bu cür toylar çox olsa da, məhz bu, həqiqətən heyrətamiz idi.
Hafta.az oxucular üçün son illərin ən dəbdəbəli 10 toy mərasimini toplayıb:
Anant Ambani və Radhika Tacir
Aydındır ki, bu toyun dəbdəbəsini yaxın gələcəkdə heç kim əvəz edə bilməyəcək. Bütün dünya bir neçə ay Anant Ambani və Radhika Tacirin toyunu maraqlı serial kimi izlədi. Yaz aylarında sevgililər bir neçə gün toydan əvvəl mərasimlər keçirdilər (hətta Rihanna bir neçə ildən sonra ilk dəfə səhnəyə çıxdı), iyulda isə üç gün davam edən toy mərasimi keçirildi. Rəsmi xərclər açıqlanmasa da, müxtəlif ekspertlər öz rəylərini bildiriblər.
Ən aşağı təxmin ən azı 150 milyon dollardır, lakin ulduz qonaqlar üçün yemək, təhlükəsizlik, nəqliyyat və yerləşdirmə, həmçinin qonorarları nəzərə alanda (Rihannanın 7 milyon dollar, Castin Biberin isə 10 milyon dollar aldığı şayiələri var) çoxları hesab edir ki, ümumi xərc 300 milyon dollara qədərdir.
İşa Ambani və Anand Piramal
Anantın böyük bacısı və milyarder Mukeş Ambaninin yeganə qızı İşa Ambani 2018-ci ildə Anand Piramal ilə evlənib. Toy mərasimi təxminən bir həftə davam edib və dünyanın müxtəlif yerlərində keçirilib. Mərasimlər dünya ulduzlarının iştirakı ilə Udaypur, İtaliyanın Komo gölü və Mumbayda, toy mərasimi isə Hindistanın Piçola gölündəki özəl adada baş tutub.
Suşanto və Simanto Royevin ikiqat toyu
2004-cü ildə biznes maqnatı Subrata Roy oğluı ilə eyni vaxtda evləndi. Dəbdəbəli tədbir Laknaudakı Sahara stadionunda keçirilib və bir həftə davam edib. Burada Bollivud ulduzları və idmançılar da daxil olmaqla 11 mindən çox qonaq iştirak edib. Şəxsi təyyarələrlə dünyanın hər yerindən qonaqlar gəlib.
Brahmani və Raciv Reddi
2011-ci ildə qeyri-qanuni mədənçilik fəaliyyətinə görə həbs edilən keçmiş mədən maqnatı və siyasətçi Canardhan Reddi 2016-cı ildə qızı Brahmaninin toyunu dəbdəbəli qeyd edib. Beş gün davam edən tədbir Banqalor sarayında (Vindzor qəsrinin miniatür variantı) keçirilib və 50 mindən çox qonaq iştirak edib.
Şristi Mittal və Gulrac Bel
Polad maqnatı Pramod Mittalın qızı Şristi 2013-cü ildə Barselonada üç günlük dəbdəbəli toyda investisiya bankiri Gulrac Bel ilə evləndi. Toyda 500 qonaq iştirak edib, menyunu məşhur ispan aşpaz Sergi Arola hazırlayıb və tədbirin qastronomik kulminasiyası 60 kiloqram çəkisi olan altı qatlı toy tortu olub.
Əsas nikah mərasimi Kataloniya Milli İncəsənət Muzeyində baş tutub və bəylə gəlinin valideynləri hadisəni bütün rakurslardan çəkmək üçün hətta fotoqraflar və videoqraflar üçün vertolyotlar icarəyə götürüblər.
Vanişa Mittal və Amit Bhatia
Pramod Mittalın qardaşı qızı Vanişa da toyunu Avropada qeyd edib. O, qardaşı və polad maqnatı Lakshmi Mittalın qızıdır. 2004-cü ildə o, London bankir Amit Bhatia ilə ailə qurub. Parisdə altı gün davam edən tədbirdə Kili Minoque və Bollivud ulduzları, o cümlədən Şahruh Xan və Ayşvariya Ray iştirak ediblər. Məşhur hind şairi Caved Axtar toyqabağı mərasimlərin ssenarisini yazıb. Əsas toy mərasimi 17-ci əsrə aid Vaux-le-Vicomte qəsrində baş tutub, onun bağında Mumbaydan olan 35-dən çox usta xalq mərasimləri üçün ənənəvi pavilyon - mandapa tikib.
Sonam Vasvani və Navin Fabiani
2017-ci ildə Stallion Group qurucusu Sunil Vasvaninin qızı Sonam Vasvani Körfəz regionunun ən zəngin hindistanlısı Kamal Fabianinin oğlu iş adamı Navin Fabiani ilə evlənib. Toy Vyanada baş tutub. Məclisin əsas günündən əvvəl Ferstel sarayında toyqabağı ziyafət təşkil edilib, bundan sonra qonaqlar, bəy və gəlin Belvedere sarayına köçüblər. Bruno Mars gənc cütlük və onların qonaqları üçün çıxış edib.
Virat Kohli və Anuşka Şarma
Hindistanın keçmiş kriket kapitanı Virat Kohli və Bollivud aktrisası Anuşa Şarma 2017-ci ilin dekabrında İtaliyanın Komo gölündə evlənib. Orada nisbətən az sayda qonağın iştirakı ilə hind toy mərasimlərinə bənzər toy keçirilib. Bir neçə gün sonra Mumbayda məşhurların və kriketçilərin qatıldığı dəbdəbəli toy mərasimi keçirilib, sonra toy Dehliyə köçüb və orada baş nazir Narendra Modinin də toyda iştirak edib.
Adele Saccan və Sana Xan
İş adamı Adel Saccan 2017-ci ilin aprelində aktrisa Sana Xan ilə dəbdəbəli kruiz tərzində toy təşkil edib. Cütlük Barselonadan Fransa üzərindən İtaliyaya gedən Costa Fascinosa kruiz gəmisində and içib. Çoxgünlük şənlik zamanı qonaqlara Harrods-dan fərdi hədiyyə paketi təqdim olundu və şənlik 10 pilləli toy tortunun kəsilməsi ilə başa çatıb.
Ranvir Sinqh və Dipika Padukone
Təbii ki, biznes imperiyalarının varislərinin toylarını kino ulduzlarının toyları ilə müqayisə etmək olmaz, lakin onların məclisi öz miqyası ilə yenə də heyrətləndirir. 2018-ci ildə, altı illik tanışlıqdan sonra Bollivud cütlüyü Ranvir Sinqh və Dipika Padukone İtaliyanın Komo gölündə evləndilər. İlk toy mərasimini Konkani ənənəsinə uyğun olaraq Villa d'Estedə, ikinci toy mərasimini isə Sind ənənəsinə uyğun olaraq Villa Roccabrunada keçirdilər. Daha sonra yeni evlənənlər Hindistana qayıdıb və gəlinin məmləkəti Banqalor və Mumbayda toy mərasimləri ilə məclisi davam etdiriblər.
%22%2C%22image%22%3A%22https%3A%2F%2Fhafta.az%2Fphotos%2F2025%2F03%2Fhind--1742191009.jpg%22%2C%22t%22%3A0%2C%22cg%22%3A%7B%22isPrivate%22%3Afalse%2C%22browserName%22%3A%22Chromium%22%7D%7D%2C%22config%22%3A%7B%22page_url%22%3A%22https%3A%2F%2Ftimer.az%2Faz%2Farticle%2F16083999%22%2C%22referrer%22%3A%22%22%2C%22user_id%22%3A%223321e177-324f-42f8-af51-8a6be854f4e5%22%2C%22iframe_user_id%22%3Atrue%7D%7D&cb=0.26154761539499916){kind=spacer}