Son illərdə fast food istehlakının artması, nizamlı qidalanmama və fiziki aktivliyin az olması nəticəsində piylənmə həm ölkəmizdə, həm də dünyada ciddi sağlamlıq problemi halına gəlib. Bədənə artıq yağ yığılması ilə xarakterizə olunan bu xroniki xəstəlik bir çox ciddi xəstəliyə səbəb ola bilər.
Pravda.az bildirir ki, piylənmədən qorunmaq və bununla əlaqəli xəstəliklərə qarşı vaxtında tədbir almaq həyati əhəmiyyət daşıyır.
Piylənmənin nəticələri
Piylənmə yalnız estetik narahatlıq deyil, eyni zamanda bir çox sağlamlıq problemindən xəbər verir. Yüksək təzyiq, şəkərli diabet, yüksək xolesterol, qaraciyər xəstəlikləri, yuxu apnesi, bəzi xərçəng növləri və ürək xəstəlikləri piylənmə ilə əlaqəli ola bilər. Piylənmə bədənin yağ kütləsinin artması ilə bağlı olaraq, bədən çəkisinin boyla uyğunlaşmayan səviyyələrə qalxmasıdır.
Normal bədən kütlə indeksi (BKI) 19 ilə 24.9 arasında olmalıdır. Piylənmə isə BKI-nin 30 və daha yüksək olduğu hallarda baş verir.
Piylənmənin ciddi təsirləri
Piylənmə, yalnız fiziki görünüşü deyil, ümumi yaşam keyfiyyətini də ciddi şəkildə azaldır. Artıq zövqünə uyğun olan fiziki fəaliyyətlər piylənmə səbəbilə həyata keçirilə bilmir. İnsanlar ictimai yerlərə getməkdən çəkinə bilər, hətta ayrımcılığa məruz qala bilərlər. Eyni zamanda yuxu, geyinmə və hərəkət etmə kimi gündəlik fəaliyyətlər də çox zaman çətinləşir.
Piylənmənin səbəb olduğu digər sağlamlıq problemləri:
Ürək xəstəlikləri
Yüksək təzyiq
Yüksək xolesterol
Obstruktiv yuxu apnesi
Tip 2 diabet
Xərçəng
Piylənmənin psixoloji təsirləri
Piylənmə həmçinin sosial və psixoloji problemlərə də yol aça bilər. Piylənmə problemi olanlar depressiya, utancaqlıq, sosial təcrid və iş yerində uğursuzluq kimi çətinliklərlə qarşılaşa bilərlər.
Piylənmə əməliyyatı
Piylənmə ilə bağlı bəzən əməliyyat da həyata keçirilir. Bu əməliyyatla mədə kiçildilir və mədənin bir hissəsi çıxarılır. Sözügedən əməliyyat nəticəsində mədə kiçildiyi üçün qida miqdarı da azalır, həmçinin iştahı tənzimləyən hormon olan qrelinin istehsalı da azalmış olur. Bu da yemək istəyini azaldır.
Əminə Bayramova
