Tbilisi Şəhər Məhkəməsi Gürcüstanın keçmiş Prezidenti Mixail Saakaşvilini 2021-ci ildə sərhədi qanunsuz keçməkdə ittiham edərək 4 il 6 ay müddətinə azadlıqdan məhrum edib.
Missiya.Az xəbər verir ki, bu barədə Gürcüstanın “TV Pirveli” telekanalı məlumat yayıb.
Bildirilib ki, bununla da Saakaşvili ümumilikdə 12 il 6 ay həbsdə qalmalı olacaq.
Məlumata görə, sabiq prezidentə hökmü hakim Mixail Cincholiya oxuyub. Hökmün elanı məhkəmə zalında səs-küyə səbəb olub. Məhkəmə icraçıları eks-prezidentin tərəfdarlarını məhkəmə zalından çıxarmağa məcbur olublar. Saakaşvili isə məhkəmə prosesində iştirak etməyib.
Xatırladaq ki, Saakaşvili 2021-ci ilin oktyabr ayında Gürcüstanda saxlanılıb.
Daşqın HəsənovMissiya.Az
