"Mançester Yunayted"in kapitanı Brunu Fernandeş unikal nəticəyə imza atıb.
Fanat.Az "Squawka"ya istinadən xəbər verir ki, o, İngiltərə Premyer Liqasında 50 məhsuldar ötürməyə imza atan ilk portuqaliyalı olub.
Bundan başqa, sözügedən yarımmüdafiəçi cari mövsüm bütün turnirlər daxil olmaqla, klubunda 30 məhsuldar göstərici (16 qol, 15 assist) həddini də keçib.
Qeyd edək ki, Fernandeşin MY ilə müqaviləsinin müddəti 2027-ci ilin yayına qədər nəzərdə tutulub. Müqavilədə anlaşmanın sonradan 1 il müddətinə uzadılması ilə bağlı bənd də var.
