“Yuventus”un baş məşqçisi Tyaqo Motta İtaliya A Seriyasının 29-cu turunun “Fiorentina” ilə səfər oyununu (0:3) şərh edib.
Arena.az “TuttoMercatoWeb” dərgisinə istinadən, braziliyaəsilli italyan mütəxəssisin bu barədə fikrini təqdim edir:
“İstefa verib getmək çox sadə bir həll olardı, mən sadə həlləri sevmirəm.
Bizə, qələbə qazanmaq gərəkdir, xallar toplamaq üçün üsul arayıb-tapmaq lazımdır ki, məqsədimizə – çempionatın ilk dördlüyünə düşməyə, müvəffəq olaq.
Bu oyun özlüyündə keçən oyunun davamı idi, elə, həmin əhvalatdır. Biz oyuna yaxşı başaldıq, amma elə, “Atalanta” ilə oyunda (İtaliya A Seriyasının 28-ci tur ev oyunu (0:4) – redaktorun qeydi) olduğu kimi, ilk çətinliklərə necə qarşılıq verməli olduğumuzu bilmədik.
Bizə, artırmaq gərəkdir. Bu gün biz nə hücumda, nə də müdafiədə güclü deyildik”, deyə Tyaqo Motta “qoca sinyora”nın acizliyini etiraf edib.
29 oyundan 52 xal toplamış “Yuventus” İtaliya A Seriyasının yarış cədvəlinin 5-ci pilləsində qərarlaşıb. “Fiorentina” isə 48 xalla 8-ci pillədədir.
A Seriyasına 64 xalla “İnter” başçılıq edir.
